Ef þú ert að byrja....

... er tíminn svo mikilvægur. Að fá góða kennslu í byrjun er ómetanlegt því það sparar þér í alvöru mörg ár af æfingum á hljóðfærið.  

... þá skipta grunnatriðin svo miklu máli. Æfingin skapar varanlegt. Þú spilar eins og þú æfir þig. Þess vegna er svo mikilvægt að læra grunnatriðin vel í byrjun. Þá skapara æfingin meistarann.

... þá skiptir aldur engu máli. Besti tíminn var jú í gær en sá næstbesti er einmitt núna. Ég er með nemendur frá 8 ára - 70 ára.

... þá á þetta að vera skemmtilegt. Auðveldasta leiðin til þess að hafa námið skemmtilegt er að æfa sig heima. Besti kennari í heimi gerir ekkert fyrir þig ef þú æfir þig ekki en góður kennari breytir öllu ef þú æfir þig. Það verður þetta það skemmtilegasta í heimi.

... þá skaltu byrja sem fyrst. Því tíminn er svo mikilvægur. Það er ekkert skemmtilegra í öllum heiminum en að geta spilað á hljóðfæri, samið tónlist og spilað uppáhalds lögin sín og það hefði verið geggjað að hafa byrjað í gær.

Ég ætla að giska á ...

.....að þú sért hér vegna þess að þig langar að læra meira á gítarinn eða þig langar að byrja að spila. Þú ert að velta því fyrir þér hvort svona netkennsla henti þér og mögulega ertu örlítið hikandi. Ég skil þig vel enda verður þú að velja rétt þegar þú ákveður að fjárfesta í gítarnáminu þínu.

Ég ætla að segja þér frá því hvernig ég haga minni netkennslu og afhverju hún gæti einmitt verið fyrir þig.

Ég er hér til þess að aðstoða þig svo ekki hika við að heyra í mér ef þú hefur einhverjar spurningar.

Ef þú hefur spilað áður...

... er tíminn svo mikilvægur. Við getum byggt á öllu því sem þú kannt og þú gætir orðið hissa á hversu miklu þú bætir við þig strax í fyrsta tíma.

... þá skipta grunnatriðin svo miklu máli. Sérstaklega fyrir þá sem hafa spilað lengi. Það er hægt að laga mjög margt bara með því að huga að grunnatriðunum.

... þá skiptir aldur engu máli. Það er engin of gamall fyrir að læra. Þvert á móti þá yngist maður við að læra eitthvað nýtt.

... þá á þetta að vera skemmtilegt. Þess vegna er námið blanda af því sem þú þarft að bæta og því sem þig langar til að læra.

... þá skaltu byrja sem fyrst. Þú veist hversu skemmtilegt er að spila og það er svo hvetjandi og skemmtilegt að læra nýja hluti og sjá kunnáttuna vaxa.

Er netkennslan mín eitthvað fyrir þig?

Ef þig langar að læra þá er það engin spurning. Þú þarft auðvitað að æfa þig því ég er ekki galdrakall.  

Það sem gerist þegar þú kaupir námskeið er þetta:

1. Þú smellir á Kaupa gítarnámskeið og greiðir á sérstakri greiðslusíðu.
2. Ég sé um leið að þú hefur keypt námskeið og sendi þér póst.
3. Við ákveðum hvenær fyrsti tíminn verður og ég sendi þér í kjölfarið slóðina sem við hittumst á.
4. Þú opnar slóðina og sérð hvernig þetta lítur út og gefur forritinu leyfi til að nota myndavél og míkrófón. Það er best að gera þetta tímanlega. Þú og ég höfum ein aðgang að þessari slóð.
5. Svo hittumst við á tímanum sem við ákváðum og tökum skemmtilegan gítartíma. Alveg nákvæmlega eins og í kennslustofu nema þú þarft ekki að fara neitt.
6. Að tímanum loknum sendi ég þér aðgang að svæði þar sem allt sem við fórum yfir er aðgengilegt. Lögin sem þig langaði að læra, spiluð og yfirfarin af mér. Myndbönd af því sem mér finnst þú þurfir að laga og annað sem við töluðum um.
7. Svo hittumst við aftur í næsta tíma. Við getum haft hann eftir viku eða eftir þrjá daga. Þú ræður ferðinni. Ef þú kemst ekki á tilsettum tíma þá færum við hann bara til. Þægilegt, auðvelt og skemmtilegt.